DeT: Das Rad des Missbrauchs. Du bist nicht krank, die WELT ist krank.

0:00 Was für e Wält. Wem's jetzt no guet gaht, wem's jetzt no so richtig guet gaht, de cha mer säge, de isch nöd normal. Nöd normal im Sinn vo nöd gwöhnlich wie alli andere, aber ich wür au säge, me bruucht en gwüsse Grad a psychischer Deformiertheit, zum i dere Wält, wo mir sind, überhaupt no söpis wie tüüfi Freud z empfinde. Und das säg ich drum, will ich weiss, dass es ganz viele Lüüt ganz schlecht gaht. Natürlich git's die Unerschütterliche, das sind vorwiegend au die Lüüt, wo mit all dem Irrsinn, wo da passiert, einigermasse guet zruggchömed. Us welle Gründ au immer, die guet mit dere ganze Situation klar chömed, normal isch es nöd, gsund isch es nöd. Und du, wenn du truurig bisch, wenn du meinsch, du hesch e Depression, das hesch du nöd.

0:58 Will Depression heisst, dass din Geist irgendwie entgleist isch. Aber nöd du bisch entgleist, nöd din Verstand isch entgleist, d Wält isch entgleist. Nöd du bisch chrank, d Wält isch es. D Wält isch chrank worde, oder isch es scho immer gsi, und mer gseht's jetzt erst wieder. Ich weiss, ich ha i eme Gschichtsunterricht, mir hät mer drüber gredet, die wo sich forscht oder drüber diskutiert hend: Was isch de natürliche Zustand vo de Wält? Von den Menschen: Ist es der Krieg oder ist es Frieden?